आयेशाने तिच्या करिअरमध्ये ‘डोर’, ‘नो स्मोकिंग’ आणि ‘सोचा ना था’ सारख्या चित्रपटांमध्ये काम केले आहे. आयेशा लहान असल्यापासूनच तिला हिंदी चित्रपटांची नायिका व्हायचं होतं. वयाच्या अवघ्या ४थ्या वर्षी तिने पहिल्यांदा कॅमेऱ्यासमोर काम केलं. ‘कॉम्प्लेन’च्या जाहिरातीमध्ये आयेशा पहिल्यांदा झळकली होती. या जाहिरातीत आयेशासोबत शाहिद कपूरही दिसला होता. त्यानंतर तिला ‘कॉम्प्लेन गर्ल’ म्हणूनही ओळखलं जाऊ लागलं होतं. यानंतरही तिने व्हीआयपी सूटकेस, सिबाका टूथपेस्ट, गोदरेजसह ६०हून अधिक जाहिरातींमध्ये काम केले.
