आगामी विधानसभा निवडणुकीसाठी प्रकाश आंबेडकरांच्या नेतृत्वातील वंचित बहुजन आघाडीने आज पाचवी उमेदवार यादी जाहीर केली. या यादीत १६ उमेदवारांचा समावेश आहे. पाचव्या यादीत वंचित बहुजन आघाडीने विविध समाजघटकांतील उमेदवारांना संधी दिली आहे. या यादीत राज्याचे उपमुख्यमंत्री अजित पवार यांच्या विरोधात बारामती मतदारसंघात देखील उमेदवार देण्यात आला आहे. बारामतीतून मंगलदास निकाळजे यांना उमेदवारी दिली आहे.
