CM Arvind Kejriwal will be arrests by ed : कथित दारू घोटाळ्यात अंमलबजावणी संचालनालयाने (ED) तीन समन्स पाठवून देखील मुख्यमंत्री अरविंद केजरिवाल हे चौकशीसाठी गैर हजर राहिल्याने त्यांच्या अडचणीत वाढ होणार आहे. ईडी केजरीवाल यांच्या घरावर छापा टाकून त्यांना अटक करू शकते, असा दावा खुद्द आम आदमी पक्षानेच केला आहे. मध्यरात्री आम आदमी पक्षाच्या अनेक बड्या नेत्यांनी सोशल मीडियावर पोस्ट केल्याने खळबळ उडाली आहे. सकाळपासूनच दिल्लीत जोरदार हालचाली सुरू आहेत. मुख्यमंत्री अरविंद केजरीवाल यांच्या घरावर सुरक्षा वाढवण्यात आली आहे.
