केरळमधील वायनाड हा राहुल गांधी यांचा मतदारसंघ आहे. २०१९ च्या लोकसभा निवडणुकीत राहुल गांधी हे अमेठी बरोबरच वायनाडमधून लढले होते. अमेठीतून पराभवाचा सामना करावा लागलेल्या राहुल यांनी वायनाड इथं मात्र ४ लाखांहून अधिक मतांच्या फरकानं विजय मिळवला होता. डावे पक्ष केंद्रातील मोदी सरकारविरोधात ‘इंडिया’ आघाडीत असल्यानं राहुल यांच्या विरोधात उमेदवार देणार नाहीत अशी अपेक्षा होती. मात्र, भाकपनं इथं उमेदवार दिला आहे.
