पुणे : राजेश पांडे यांच्या कन्या व युवा लेखिका रेवा पांडे लिखित ‘ पारंपारिक खेळ या पुस्तक प्रकाशन कार्यक्रमात नव्या पिढीतील मुलांना लुप्त होतं चाललेल्या जुन्या खेळाविषयी माहिती करून देण्यात आली. प्रसंगी पराग काळकर व किरण केंद्रे यांच्या प्रमुख उपस्थितीत छत्रपती पुरस्कार विजेत्या आंतरराष्ट्रीय खेळाडू शकुंतला खटावकर यांच्या हस्ते प्रकाशन झाले.
या प्रकाशन सोहळ्यात विजेंद्र चाबुकस्वार, अनिल बेलकर व संकेत थोपटें यांचा ही विशेष सत्कार यावेळी करण्यात आला.
काही दिवसापूर्वी कसबा विधानसभेचे आमदार हेमंत रासने यांच्या वाढदिवसानिमित्त विजयेंद्र चाबुकस्वार, अनिल बेलकर व संकेत थोपटे यांच्या कल्पनेतून व समर्थ बेलकर ,जिगर शहा व सहकारी यांच्या नियोजनातून स्पर्धेच्या आधुनिक युगात लहान मुलांना आपल्या पारंपारिक खेळांची ओळख व्हावी म्हणून ‘आपले आंगण’ या कार्यक्रमाचे आयोजन करण्यात आले होते .ज्यांला नागरिकांचा उदंड प्रतिसाद मिळाला.
सदर कार्यक्रमाचे निमंत्रण पुणे बुक फेस्टिवलचे प्रमुख व भारतीय जनता पार्टीचे नेते राजेशजी पांडे यांना देताना त्यांनी या आगळ्या वेगळ्या उपक्रमाचे कौतुक केले व असा उपक्रम राष्ट्रीय पातळीवर राबवला गेला पाहिजे त्यासाठी आपण प्रयत्न करू असे आश्वासन आमदार हेमंत रासने प्रतिष्ठान च्या सदस्यांना दिले.
याच पार्श्वभूमीवर राजेश पांडे यांनी पुढाकार घेऊन पुण्यामध्ये आयोजित करण्यात आलेल्या पुणे बाल पुस्तक जत्रेच्या कार्यक्रमात आपले आंगणचा समावेश केला. २२ मे पासून २५ मे पर्यंत चिमुकल्यांना गणेश कला,कला क्रीडा मंच स्वारगेट,पुणे येथे सायंकाळी ४ ते ६ आपल्या पारंपारिक खेळांचा आनंद घेता येणार आहे.
स्मार्ट फ़ोन च्या जमान्यात आपल्या मातीशी,पारंपारिक खेळांशी नाळ नवीन पिढीशी जोडली जावी या उद्दिष्ठाने आम्ही आपले आंगण हा उपक्रम राबवला होता ज्याला लोकांचा प्रचंड प्रतिसाद मिळाला.भविष्यात अनेक ठिकाणी आम्ही हा उपक्रम राबवला जाणार आहे,ज्यात पालकांनी पुढाकार घेऊन आपल्या मुलांना आपल्या मातीशी जुन्या पारंपारिक खेळांशी ओळख करून द्यावी असे आव्हान अनिल बेलकर यांनी केले.
