Ladki Bahin Yojana: महायुती सरकारने (Mahayuti) महिलांसाठी सुरू केलेली मुख्यमंत्री लाडकी बहीण योजनेवरून (Ladki Bahin Yojana) सत्ताधारी आणि विरोधकांमध्ये खडाजंगी पाहायला मिळत आहे. राज्यातील महिला महिला आणि मुलींना स्वावलंबी आणि आत्मनिर्भर बनवण्यासाठी महायुती सरकारने लाडकी बहीण योजना सुरु केल्याचे म्हटले आहे. तर, दुसरीकडे लाडकी बहीण योजनेच्या नावाखाली सरकार महिलांची दिशाभूल करत आहे. तसेच विधानसभा निवडणुकीच्या पार्श्वभूमीवर शिंदे सरकारने हा निर्णय घेतल्याचे महाविकास आघाडीचे (Maha Vikas Aghadi) म्हणणे आहे. दरम्यान, लाडकी बहीण योजनेचे पैसे महिलांच्या खात्यात जमा होण्यास सुरुवात झाली असता शिवसेना यूबीटी पक्षाचे नेते आदित्य ठाकरेंनी (Aaditya Thackeray) आमचे सरकार आल्यावर लाडकी बहिण योजनेत रक्कम वाढवू, असे अश्वासन दिले.
