फलटण | साहस Times प्रतिनिधी :- गेल्या अनेक वर्षांपासून एकाच पक्षाच्या सत्तेखाली असतानाही विकासाच्या प्रतीक्षेत असलेले फलटण शहर आता अखेर नव्या वाटेवर वाटचाल करत आहे. माजी खासदार रणजितसिंह नाईक निंबाळकर व आमदार सचिन पाटील यांच्या प्रभावी नेतृत्वामुळे शहरातील रस्त्यांच्या विकासाला गती मिळाली असून, अनेक कामांना प्रत्यक्षात सुरुवात झाली आहे.
याच पार्श्वभूमीवर फलटण शहरातील प्रभाग क्रमांक ९ मधील दीर्घकाळ प्रलंबित असलेल्या गल्ल्यांच्या काँक्रिटीकरण कामाचा व शिवाजीनगर येथील श्रीमंत स्व. दादराजे खर्डेकर नगर परिषद शाळा क्रमांक ७ च्या मोकळ्या जागेत नव्याने उभारण्यात येणाऱ्या वॉकिंग ट्रॅकच्या कामाचा भूमिपूजन सोहळा जिल्हा नियोजन समितीच्या सदस्या अॅड. सौ. जिजामाला रणजितसिंह नाईक निंबाळकर यांच्या हस्ते नुकताच पार पडला.
या कार्यक्रमास स्वराज पतसंस्थेचे चेअरमन अभिजित नाईक निंबाळकर, माजी नगरसेवक सुदाम मांढरे, अशोकराव जाधव, सचिन अहिवळे, फिरोज आतार, डॉ. प्रवीण आगवणे, भाजपा जिल्हा उपाध्यक्ष संदीप चोरमले, युवा उद्योजक अमित भोईटे, भाजपा तालुकाध्यक्ष बापूराव शिंदे यांच्यासह अनेक मान्यवर आणि स्थानिक नागरिक मोठ्या संख्येने उपस्थित होते.
यावेळी बोलताना अॅड. जिजामाला नाईक निंबाळकर म्हणाल्या, “शहराच्या विकासाला अनेक वर्षे अडथळे होते, मात्र आता बदलाची सुरुवात झाली असून प्रत्येक प्रभागात मूलभूत सुविधांचा विकास हे आमचे ध्येय आहे.”
