फलटण प्रतिनिधी :फलटण शहराच्या राजकीय इतिहासात प्रथमच बौध्द व इतर बहुजन समाजाला सन्मानाचे आणि निर्णायक स्थान मिळाल्याने सर्वत्र समाधान व आनंदाचे वातावरण आहे. तब्बल ३० वर्षांच्या राजकीय प्रवासात जे कधी घडले नाही, ते आज घडले असून नगरसेवक मा. सचिनसर अहिवळे यांची “प्रमुख पक्ष” मानल्या जाणाऱ्या पक्षात गटनेते (पक्ष प्रमुख) म्हणून निवड करण्यात आली आहे.
विश्वासाचा सन्मान, इतिहासाची नवी नोंद
आदरणीय मा.खा. श्री. रणजितसिंह नाईक निंबाळकर (दादा), नगराध्यक्ष मा. श्री. समशेरसिंह नाईक निंबाळकर (दादा) तसेच फलटण–कोरेगाव मतदारसंघाचे आमदार मा. श्री. सचिन पाटीलसाहेब यांनी बौध्द व इतर बहुजन समाजावर दाखवलेला हा विश्वास म्हणजेच नगरसेवक सचिन अहिवळे यांना बहाल करण्यात आलेले गटनेते पद होय.
वंचिततेचा इतिहास, सन्मानाची आजची घडी
फलटणच्या ३० वर्षांच्या राजकीय इतिहासात या समाजाला केवळ मतांसाठी वापरले गेले; मात्र सन्मानाचे, जबाबदारीचे स्थान कधीच दिले गेले नाही. नगरसेवक असतानाही पक्षातील महत्त्वाचे पद देण्याचे धाडस पूर्वी कुणी केले नव्हते. मात्र आज त्या अन्यायकारक परंपरेला छेद देत बहुजन समाजाला न्याय देण्याचे काम झाले आहे.
सामाजिक आत्मसन्मानाचा विजय
या निर्णयामुळे बौध्द व इतर बहुजन समाजाचा आत्मसन्मान उंचावला असून, राजकीय ताकदीने अन्यायाला प्रत्युत्तर देण्याची क्षमता पुन्हा एकदा सिद्ध झाली आहे.
नगरसेवक मा. सचिनसर अहिवळे यांच्यावर गटनेते पदाची जबाबदारी सोपवल्याबद्दल
आम्ही समस्त समाज बांधव
आदरणीय मा.खा. श्री. रणजितसिंह नाईक निंबाळकर (दादा),
नगराध्यक्ष मा. श्री. समशेरसिंह नाईक निंबाळकर (दादा),
मा. आमदार श्री. सचिन पाटीलसाहेब,
तसेच श्रीमंत शिवरुपराजे खर्डेकर
यांचे मनःपूर्वक आभार व्यक्त करीत आहोत.
हरिष काकडे ( सामाजिक कार्यकर्ते )
