Sunil Pal Kidnapers Video : नुकतेच मुंबईतील प्रसिद्ध कॉमेडियन सुनील पाल यांच्या अपहरणाचे प्रकरण समोर आले आहे. याप्रकरणी धक्कादायक बाबी सातत्याने समोर येत आहेत. सुनील पाल यांनी २ डिसेंबर रोजी दिल्ली विमानतळावरून आपले अपहरण झाल्याचा दावा केला होता. यानंतर अपहरणकर्त्यांनी त्यांच्या डोळ्यांवर पट्टी बांधली आणि त्यांना मेरठला नेले. जिथे त्यांना २४ तास एका खोलीत ओलीस ठेवले गेले होते. यानंतर त्यांचे कागदपत्र वापवरून आठ लाख रुपयांची खंडणी ऑनलाइन वसूल करण्यात आली. नंतर त्यांची सुटका झाली. मात्र, या गुन्हेगारांनी त्या पैशांचं काय केलं यांचा व्हिडिओ आता समोर आला आहे.
