फलटण – फलटण कोरेगाव विधानसभा मतदार संघात थांबलेल्या विकास प्रक्रियेला चालना देण्यासाठी महायुतीच्या उमेदवार सचिन सुधाकर पाटील यांना निवडून देण्याचे आवाहन माजी विरोधी पक्षनेते समशेरसिंह नाईक निंबाळकर यांनी केले. त्यांनी मतदारांना घड्याळ चिन्हासमोरील बटण दाबून सचिन पाटील यांना बहुमताने विजयी करण्याचे आवाहन केले.
महायुतीचा प्रचार मेळावा – विकासाच्या संकल्पाचा नवसंकल्प
निंबळक, ता. फलटण येथे राष्ट्रवादी काँग्रेस, भाजपा, शिवसेना (शिंदे गट) आणि मित्र पक्षांच्या वतीने सचिन पाटील यांच्या प्रचारार्थ आयोजित सभेत नाईक निंबाळकर बोलत होते. यावेळी सातारा जिल्हा सहकारी बँकेचे संचालक श्रीमंत शिवरुपराजे खर्डेकर, उद्योजक राम निंबाळकर, श्रीमंत धीरेंद्रराजे खर्डेकर, सौ. प्रतिभा शिंदे, माजी उपसभापती संजय सोडमिसे, संजय कापसे, सुशांत निंबाळकर यांच्यासह निंबळक, शेरे-शिंदेवाडीचे सरपंच, उपसरपंच आणि ग्रामपंचायत सदस्य मोठ्या संख्येने उपस्थित होते.
अजित पवार यांच्या मार्गदर्शनाखाली विकास साधण्याचा संकल्प
जिल्हा सहकारी बँकेचे संचालक शिवरुपराजे खर्डेकर यांनी उपमुख्यमंत्री अजित पवार यांच्या मार्गदर्शनाखाली सचिन पाटील यांना निवडून दिल्यास विकास प्रक्रिया गतिमान होईल, असे सांगून मतदारांनी पाटील यांना विजयी करण्याचे आवाहन केले. नाले, पूल अशा मूलभूत विकास कामांसोबत फलटण पूर्व भागातील विकासाची गंगा आणण्यात कसूर केली नाही, असेही खर्डेकर यांनी नमूद केले.
फलटणच्या सर्वांगीण विकासासाठी प्रयत्नांची पराकाष्ठा
धीरेंद्रराजे खर्डेकर यांनी सचिन पाटील यांना निवडून दिल्यास उर्वरित विकासकामे पूर्ण करण्याची हमी देत, मागील अडीच वर्षांत माजी खासदार रणजीतसिंह नाईक निंबाळकर यांनी केलेल्या विकास कामांचा आढावा घेतला. पुढील काळात अजित पवार आणि रणजीतसिंह नाईक निंबाळकर यांच्या मार्गदर्शनाखाली फलटण तालुक्याच्या सर्वांगीण विकासासाठी आघाडीवर राहण्याचा संकल्प यावेळी मांडण्यात आला.
विकासाच्या संकल्पाचे नेतृत्व – फलटण शहर व तालुक्याचा विकास थांबणार नाही
सर्व उपस्थित मान्यवरांनी विकासाच्या वचनबद्धतेचे पुनरुच्चारण केले व सचिन पाटील यांच्या नेतृत्वात फलटण – कोरेगाव मतदारसंघाच्या विकासाची दिशा ठरवण्याचा नवा संकल्प केला.
