राज्यातील विधानसभा निवडणुकांचा प्रचार शिगेला पोहोचला असून निवडणूक आयोग व पोलीस यंत्रणाही डोळ्यात तेल घालून सर्व घडामोडींवर लक्ष ठेऊन आहेत. निवडणूक आयोगाच्या स्थिर पथकाकडून सध्या राज्यातील बड्या राजकीय नेत्यांच्या हेलिकॉप्टरची तपासणी केली जात आहे. शिवसेना युबीटी पक्षप्रमुख उद्धव ठाकरे यांच्या हेलिकॉप्टरची वणी व औसा येथे झडती घेतल्यानंतर त्यांनी याचा व्हिडिओ शूट करत संताप व्यक्त केला होता.
