देशभरात विजयादशमीची उत्साह असतानाच हरयाणामध्ये एक दु:खद घटना समोर आली आहे. कैथल जिल्ह्यात दसऱ्याच्या दिवशी मोठा अपघात झाला आहे. हरियाणातील कैथलमध्ये शनिवारी दुपारच्या सुमारास कार कालव्यात कोसळून एकाच कुटुंबातील आठ जणांचा मृत्यू झाला. ९ जण या कारमधून प्रवास करत होते. दसऱ्यानिमित्त आयोजित बाबा राजपुरी जत्रेला ते जात होते. पोलिसांनी दिलेल्या माहितीनुसार, चालकाचे वाहनावरील नियंत्रण सुटले आणि कार मुंदरी गावाजवळील कालव्यात कोसळली.
