Mumbai megablock : मुंबईकरांसाठी महत्त्वाची बातमी आहे. आज रविवारी सुट्टी घालवण्यासाठी जर घराबाहेर पडणार असेल तर ही बातमी वाचा. आज रेल्वेच्या तिन्ही मार्गांवर ब्लॉक घेतला जाणार आहे. ब्लॉक काळात काही गाड्या रद्द करण्यात आल्या आहेत तर काही गाड्यांच्या वेळा बदलण्यात आल्या आहेत. तर काही गाड्या या उशिराने धावणार आहेत. रेल्वेच्या जनसंपर्क अधिकाऱ्यांनी दिलेल्या माहितीनुसार आज पश्चिम रेल्ववर १० तासांचा ब्लॉक घेतला जाणार आहे. या ब्लॉक काळात १८० फेऱ्या रद्द करण्यात आल्या असून लोकलच्या ५० फेऱ्या या अंशत: रद्द करण्यात आल्या आहेत.
