Tharala Tar Mag 14 September 2024 Serial Update: ‘ठरलं तर मग’ या मालिकेच्या आजच्या भागात एक धमाकेदार वळण पाहायला मिळणार आहे. गणपती बाप्पाच्या आरतीच्या वेळी प्रियाने केलेला हंगामा पाहून अर्जुन चांगलाच गोंधळून गेला होता. यानंतर अर्जुनने प्रियाच्या फोनवर महीपतचा फोन येत असल्याचे देखील पाहिले. महीपत प्रियाला का बरं फोन करत असावा, असा प्रश्न अर्जुनला पडला होता. तर, त्याने प्रियाशी बोलण्याचा देखील प्रयत्न केला. या बोलण्यावरून प्रियाला प्रतिमाबद्दल म्हणजेच स्वतःच्या आई बद्दल काहीच माया वाटत नाही, हे अर्जुनने हेरले आहे. प्रियाच्या बोलण्यावरून प्रियाच्या मनात आपल्या आई विषयी काहीही भावना नाही, त्याचा अर्थ ही खरी तन्वी असू शकत नाही, असा अंदाज अर्जुनने बांधला आहे.
