Hema Malini Viral Video: बॉलिवूड अभिनेत्री आणि भारतीय जनता पक्षाच्या खासदार हेमा मालिनी यांनी बुधवारी मुंबईत एका कार्यक्रमाला हजेरी लावली होती. हेमा मालिनी यांच्यासोबतच गायक अनुप जलोटा यांसारखे कलाकारही या कार्यक्रमाला उपस्थित होते. या कार्यक्रमाचे अनेक फोटो आणि व्हिडीओ सध्या सोशल मीडियावर व्हायरल होत आहेत. यातील एक व्हिडीओ बॉलिवूड अभिनेत्री हेमा मालिनी यांचा आहे. मात्हार, व्हिडिओ पाहिल्यानंतर आता सोशल मीडिया युजर्स हेमा मालिनी यांना ट्रोल करत आहेत. या व्हिडीओमध्ये हेमा मालिनी आपल्या एका महिला फॅनने खांद्यावर हात ठेवल्याने अस्वस्थ होताना दिसल्या आहेत.
