Maharashtra Weather Update : मॉन्सूनबाबत मोठी अपडेट! पुढील वाटचालीसाठी अनुकूल वातावरण; ‘या’ जिल्ह्यात बरसणार, यलो अलर्ट

Maharashtra Weather Update : राज्यात रखडलेल्या मॉन्सूनबाबत महत्वाची अपडेट हवामान विभागाने दिली आहे. राज्यात मॉन्सूनच्या वाटचालीसाठी अनुकूल वातावरण असून लवकरच संपूर्ण राज्यात पाऊस पडण्याची शक्यता हवामान विभागाने वर्तवली आहे. आज कोकण, गोवा, मराठवाडा, विदर्भ, मध्य महाराष्ट्रातील काही जिल्ह्यात जोरदार पाऊस पडण्याची शक्यता आहे. रायगड, रत्नागिरी, सिंधुदुर्ग जिल्ह्यात पूढील तीन दिवस पावसाचा यलो अलर्ट देण्यात आला आहे. तर पुणे, कोल्हापूर, सातारा येथे आज तर विदर्भातील सर्व जिल्ह्यांना पुढील तीन दिवस वादळी वारा, वीजांचा कडकडाट तसेच मेघगर्जना व ताशी ४० ते ५० किमी वेगाने वादळी वारे वाहून हलका ते मध्यम स्वरूपाचा पाऊस पडण्याची शक्यता आहे.