मनोज जरांगेंचा वैद्यकीय सुविधा घेण्यास नकार-
प्रमुख आंदोलनकर्ते मनोज जरांगे पाटील यांनी आंतरवाली सराटीत आमरण उपोषण सुरू केलं आहे. जोपर्यंत मराठा समाजाचा ओबीसी प्रवर्गात समावेश होणार नाही, तोपर्यंत उपोषण सोडणार नसल्याचं मनोज जरांगे पाटलांनी म्हटलं आहे. उपोषण सुरू असताना आंतरवाली सराटीत वैद्यकीय पथक पोहचलं होतं, परंतु कोणतीही वैद्यकीय मदत अथवा अन्न-पाणी घेण्यास मनोज जरांगे पाटलांनी नकार दिला आहे. याशिवाय पंतप्रधान नरेंद्र मोदी हे शिर्डी दौऱ्यावर आले असता त्यांनी मराठा आरक्षणावर कोणतीही प्रतिक्रिया न दिल्याने मनोज जरांगे पाटलांनी नाराजी व्यक्त केली आहे.
