मीडिया रिपोर्ट्सनुसार, नितीन चंद्रकांत देसाई यांच्या पार्थिवावर आज दुपारी ४ वाजता अंत्यसंस्कार करण्यात येणार आहेत. त्यापूर्वी दुपारी १२ ते २ या वेळेत त्यांचे पार्थिव अंत्यदर्शनासाठी एनडी स्टुडिओ येथे ठेवण्यात येणार आहे. सध्या नितीन यांचा मृतदेह पोस्टमॉर्टमनंतर मुंबईतील जेजे रुग्णालयात ठेवण्यात आला आहे. आज सकाळी जेजे हॉस्पिटलमध्ये जाऊन मुख्यमंत्री एकनाथ शिंदे यांनी नितीन देसाई यांना श्रद्धांजली वाहिली.
