[ad_1]
पंतप्रधान नरेंद्र मोदी यांचा ताफा पुणे शहरातील ज्या मार्गावरून जाणार आहे, त्या मार्गावर पुणे पोलिसांकडून रंगीत तालीम घेतली जात आहे. परिणामी शिवाजी रस्ता, लक्ष्मी रस्ता, टिळक रस्ता आणि फर्ग्युसन रस्ता वाहतुकीसाठी बंद करण्यात आला होता. प्रमुख रस्ते तसेच चौकातील रस्त्यांवर बॅरीकेटींग उभारण्यात आले आहे. त्यामुळं शहरातील वाहतूक विस्कळीत झाल्याचं पाहायला मिळालं. शहरात अचानक वाहतूक बंद केल्याने वाहनांच्या लांबच लांब रांगा लागल्या होत्या. शाळेत जाणारे विद्यार्थी आणि पालकांची गैरसोय झाल्यामुळं अनेकांनी संताप व्यक्त केला आहे. याशिवाय दिवसा रंगीत तालीम घेण्याचं काय कारण होतं?, असाही सवाल उपस्थित करण्यात आला आहे.
[ad_2]
Source link
