‘पवार साहेबांचे आशीर्वाद घेण्यासाठी, दर्शन घेण्यासाठी आम्ही यशवंतराव चव्हाण सेंटरला गेलो होतो. काल आम्ही सगळे मंत्री, नेते साहेबांना भेटलो होतो. मात्र, रविवार असल्यामुळं आमदार आपापल्या मतदारसंघात होते. आज अधिवेशन सुरू झाल्यानं बहुतेक आमदार मुंबईत आहेत. त्यांनाही पवार साहेबांचा आशीर्वाद मिळावा असं आम्हाला वाटलं. त्यामुळं आम्ही आज पुन्हा पवार साहेबांना भेटलो. साहेब चव्हाण सेंटरला येणार आहेत हे कळल्यावर आम्ही इथं आलो, असं पटेल म्हणाले.
