या फोटोंमधील पहिल्या फोटोत आर माधवन फ्रान्सचे राष्ट्राध्यक्ष आणि पंतप्रधान मोदी यांच्यासह जेवणाच्या टेबलावर बसलेला दिसला आहे. तर, दुसऱ्या फोटोमध्ये, तीन वेळा ग्रॅमी विजेते संगीतकार रिकी केज, इमॅन्युएल मॅक्रॉन यांच्या शेजारी त्यांच्यासोबत फोटो पोझ देताना दिसत आहे. १४ जुलै रोजी पॅरिसमध्ये पंतप्रधान नरेंद्र मोदी यांच्यासाठी फ्रान्सचे राष्ट्राध्यक्ष इमॅन्युएल मॅक्रॉन यांनी आयोजित केलेल्या या खास शाही मेजवानीत ‘जय हो’ हे गाणे दोनदा वाजवण्यात आले होते. यावेळी उपस्थित सर्व पाहुणे या कार्यक्रमाचा आनंद लुटताना दिसले.
