Nashik: नाशकात भक्ताकडून मांत्रिक महिलेची हत्या, परिसरात खळबळ

मिळालेल्या माहितीनुसार, जनाबाई भिवाजी बर्डे (वय, ४५) असे हत्या झालेल्या महिला मांत्रिकाचे नाव आहे. तर, निकेश दादाजी पवार (वय, ४१) असे हत्या करणाऱ्या संशयिताचे नाव आहे. निकेश हा देखील दोन वर्षांपासून त्याच्या समस्येवर मार्ग काढण्यासाठी जनाबाई यांच्याकडे ये-जा करीत होता. परंतु, जनाबाई यांनी सांगितलेल्या तोडग्याचा निकेशला काहीही फायदा झाला नाही, याचा राग त्याच्या डोक्यात होता. याच रागातून निकेशने शुक्रवारी दुपारी जनाबाईच्या घरी गेला आणि धारदार शस्त्राने त्यांच्या मानेवर आणि पोटावर वार केले. यानंतर निकेशने घटनास्थळावरून पळ काढला.