केवळ नाटक, चित्रपट आणि मालिकाच नाही, तर सुमीत राघवन डबिंग क्षेत्रातही कार्यरत आहे. त्याने अनेक हॉलिवूड चित्रपटातील पात्रांना आपला आवाज दिला आहे. ‘ब्ल्यू स्ट्रीक’, ‘शांघाई नून’, ‘रश हवर’, ‘हॅरी पॉटर अँड द चेंबर ऑफ सिक्रेट्स’, ‘शांघाई नाईट्स’ अशा काही चित्रपटांमध्ये त्याचा दमदार आवाजही ऐकायला मिळतो. सुमीत राघवन याने साकारलेली ‘महाभारता’तील भूमिका आजही प्रेक्षकांच्या लक्षात आहे. ‘महाभारता’त सुमीतने कृष्णाचा सखा ‘सुदामा’ साकारला होता.
