दाक्षिणात्य सुपरस्टार अल्लू अर्जुन हा कायमच चर्चेत असतो. कधी त्याच्या आगामी चित्रपटांमुळे तर कधी त्याच्या खासगी आयुष्यामुळे. अभिनयाच्या जोरावर अल्लू अर्जुनने अनेकांची मने जिंकली आहेत. त्याचा चाहता वर्ग केवळ भारतातच नसून सातासमुद्रापार असल्याचे पाहायला मिळते. विशेष म्हणजे तरुणींमध्ये त्याची कमालीची क्रेझ आहे. मात्र, अनेक तरुणींच्या मनावर राज्य करणारा हा अभिनेता एका लग्नात मुलीच्या प्रेमात पडला आणि तिच्याशीच त्याने लग्नगाठ बांधली. आज ८ एप्रिल रोजी अल्लू अर्जुनचा वाढदिवस. त्यानिमित्ताने चला जाणून घेऊया अल्लू अर्जुनच्या खासगी आयुष्याविषयी.
