शिक्षक चळवळीतील लढवय्ये नेतृत्वाला दुहेरी सन्मान; संजय खरात सरांच्या निवडीबद्दल माण तालुका शिक्षक संघाकडून अभिनंदन
माण | प्रतिनिधी
शिक्षकांच्या विविध प्रश्नांसाठी सातत्याने संघर्ष करणारे, सामाजिक चळवळींमध्ये सक्रिय सहभाग घेणारे आणि समाजहिताच्या कार्यात नेहमीच अग्रेसर असणारे श्री. संजय खरात सर यांची भ्रष्टाचार निवारण समितीच्या जिल्हाध्यक्षपदी तसेच कास्ट्राईब कर्मचारी कल्याण महासंघाच्या जिल्हा कार्याध्यक्षपदी निवड झाल्याबद्दल माण तालुका शिक्षक संघाच्या वतीने त्यांचा पुष्पगुच्छ देऊन सत्कार करण्यात आला.
श्री. खरात सर यांनी शिक्षक, कर्मचारी व सर्वसामान्य नागरिकांच्या विविध समस्या सोडविण्यासाठी सातत्याने पाठपुरावा केला असून सामाजिक बांधिलकी जपत अनेक जनहिताचे उपक्रम राबविले आहेत. त्यांच्या कार्याची दखल घेत विविध संघटनांनी त्यांच्यावर महत्त्वपूर्ण जबाबदाऱ्या सोपवल्या आहेत. त्यांच्या या निवडीमुळे शिक्षक, कर्मचारी आणि सामाजिक क्षेत्रात कार्यरत असलेल्या कार्यकर्त्यांमध्ये आनंदाचे वातावरण निर्माण झाले आहे.
यावेळी माण तालुका शिक्षक संघाच्या पदाधिकाऱ्यांनी श्री. खरात सर यांचे अभिनंदन करताना त्यांच्या पुढील वाटचालीस शुभेच्छा दिल्या. शिक्षकांच्या प्रश्नांवर प्रभावीपणे आवाज उठविणारे नेतृत्व म्हणून त्यांची ओळख असून नव्या जबाबदाऱ्यांमुळे जिल्ह्यातील सामाजिक व प्रशासकीय प्रश्नांच्या निराकरणासाठी अधिक बळ मिळेल, असा विश्वास उपस्थितांनी व्यक्त केला.
सत्कार प्रसंगी शिक्षक संघाचे पदाधिकारी, शिक्षक बांधव, सामाजिक कार्यकर्ते आणि विविध क्षेत्रातील मान्यवर उपस्थित होते. सर्वांनी श्री. संजय खरात सर यांना पुढील कार्यासाठी शुभेच्छा देत त्यांच्या यशस्वी वाटचालीस सदिच्छा व्यक्त केल्या.
— साहस Times
