खेल का जुनून… देश का गौरव..!
साहस Times :
नेपाळची राजधानी Kathmandu येथे पार पडलेल्या पहिल्याच साऊथ एशियन सॉफ्ट हॉकी २०२६ स्पर्धेत भारतीय संघाने ऐतिहासिक कामगिरी करत अंतिम सामन्यात पाकिस्तानचा ११-१ अशा दणदणीत फरकाने पराभव करून अजिंक्यपद पटकावले.
भारतीय संघाचे नेतृत्व Lakhan More यांनी अत्यंत दमदार पद्धतीने केले. त्यांच्या नेतृत्वाखाली भारतीय संघाने नेपाळ, भूतान आणि पाकिस्तान या संघांवर निर्विवाद वर्चस्व गाजवत स्पर्धेत एकहाती दबदबा निर्माण केला.
या अभिमानास्पद विजयामुळे Phaltan या ऐतिहासिक नगरीचे नाव सुवर्णाक्षरांनी लिहिले गेले असून भारत, महाराष्ट्र, पुणे आणि सातारा जिल्ह्यासाठी ही अत्यंत गौरवाची बाब ठरली आहे.
स्पर्धेतील भारतीय संघाच्या शानदार कामगिरीनंतर आता पुढील महिन्यात Malaysia येथे तीन देशांदरम्यान लीग सामने खेळविण्यात येणार आहेत. तसेच २०२७ मध्ये ऑक्टोबर ते नोव्हेंबर दरम्यान होणाऱ्या पहिल्या सॉफ्ट हॉकी वर्ल्डकप स्पर्धेचे आयोजन भारतात होणार असून जगातील १४ देशांचे संघ त्यात सहभागी होणार आहेत.
भारतीय संघाच्या या ऐतिहासिक यशामुळे देशभरातून खेळाडूंवर अभिनंदनाचा वर्षाव होत आहे.
