या चित्रपटानंतर परवीन बाबी यांच्याकडे अनेक चित्रपट आले. मात्र, त्यांना खरी ओळख १९७४च्या ‘मजबूर’ या चित्रपटातून मिळाली. या चित्रपटात परवीन बाबी यांच्यासोबत अमिताभ बच्चन मुख्य भूमिकेत झळकले होते. त्यांची जोडी मोठ्या पडद्यावर सुपरहिट ठरली. त्यांनी ‘दीवार’, ‘अमर अकबर अँथनी’, ‘शान’ ‘कालिया’ या सारखे सुपरहिट चित्रपट दिले. परवीन यांना त्याकाळात इतकी लोकप्रियता मिळाली की, ‘टाईम मॅगझिन’च्या कव्हर पेजवर झळकण्याचा मान मिळवणाऱ्या त्या पहिल्या बॉलिवूड कलाकार ठरल्या.
