फलटणमध्ये संयमाचे आवाहन : श्रीमंत रामराजे नाईक निंबाळकरांचा वाढदिवस यंदा साजरा न करण्याचा निर्णय
फलटण : विधानपरिषद माजी सभापती व विद्यमान आमदार श्रीमंत रामराजे नाईक निंबाळकर यांनी आपल्या व्हॉट्सॲप स्टेटसद्वारे कार्यकर्ते व हितचिंतकांना महत्त्वाचे आवाहन केले आहे. गुढीपाडवा निमित्त येणारा त्यांचा वाढदिवस यंदा साजरा करू नये, अशी त्यांनी स्पष्ट विनंती केली आहे.
महाराष्ट्राचे लाडके उपमुख्यमंत्री स्व .अजितदादा पवार यांच्या दुःखद निधनाबद्दल (स्टेटसमधील उल्लेखानुसार) शोक व्यक्त करत, यावर्षी कोणत्याही प्रकारचे वाढदिवसाचे कार्यक्रम, शुभेच्छा फलक किंवा सत्कार आयोजित करू नयेत, असे त्यांनी म्हटले आहे.
आपल्या संदेशात त्यांनी नमूद केले की, “सर्व कार्यकर्ते व हितचिंतकांनी कोणतेही कार्यक्रम आयोजित करू नयेत, ही नम्र विनंती.”
दरवर्षी गुढीपाडव्याच्या निमित्ताने मोठ्या उत्साहात साजरा होणारा त्यांचा वाढदिवस यंदा साधेपणाने पाळला जाणार असून, कार्यकर्त्यांनाही संयम राखण्याचे आवाहन करण्यात आले आहे.
