पुणे : गेल्या अनेक दिवसांपासून तळेगाव ढमढेरे-रांजणगाव सांडस हा जिल्हा परिषद मतदारसंघ त्याच्या रचनेमुळे चर्चेत आला होता.या ठिकाणी जिल्हा परिषद निवडणूक लढवण्यासाठी अनेक इच्छुक उमेदवारांनी तयारी सुरू केली असताना
आई प्रबोधिनी फाउंडेशनच्या माध्यमातून नागरिकांच्या संपर्कात असणारे भारतीय जनता पार्टी उत्तर पुणे जिल्ह्याचे पदवीधर आघाडीचे अध्यक्ष श्री. राहुल नरहरी गव्हाणे यांच्या पत्नी व डिंग्रजवाडी ग्रामपंचायतीचा विद्यमान सदस्य सौ. दिपाली राहुल गव्हाणे यांनी काल आपण ही निवडणूक लढवत असल्याचे जाहीर केले असून यामुळे या मतदारसंघातील राजकारणात नवा अध्याय सुरू होत आहे अशी चर्चा पंचक्रोशीत सुरू झाली .
आजवर आई प्रबोधिनी फाउंडेशन च्या माध्यमातून विविध उपक्रमांच्या माध्यमातून नागरिकांच्या भेटीस येणाऱ्या सौ. दीपाली गव्हाणे निवडणुकीच्या रणांगणात उतरल्या असून यामुळे राजकीय वातावरण चांगलेच तापू लागले आहे.
श्री.राहुल गव्हाणे यांचा असलेलला जनसंपर्क,भाजप जिल्हाध्यक्ष प्रदीप दादा कंद यांच्याशी असलेले जिव्हाळ्याचे संबंध भारतीय जनता पक्षाचा असणारा पाठिंबा आणि गेल्या अनेक वर्षांपासून राबवलेले सामाजिक उपक्रम यामुळे सौ.दिपाली गव्हाणे यांचे पारडे जड मानले जात आहे.
गेली कित्येक दिवस विशेष चर्चेत असणाऱ्या या मतदारसंघात होणारी निवडणूक चुरशीची असेल, यात शंकाच नाही.मात्र या जि.प गटाला सौ.दिपाली राहुल गव्हाणे यांच्या रूपाने नवा चेहरा मिळणार असल्याचे नागरिकांकडून बोलले जात आहे.
