🏃‍♂️ “आपली फलटण मॅरेथॉन 2025” ला दमदार सुरुवात – उत्स्फूर्त प्रतिसादात चार टप्यांत यशस्वी आयोजन!

फलटण –जोशी हॉस्पिटल प्रा. लि., फलटण रोबोटिक सेंटर आणि डॉ. प्रसाद जोशी यांच्या संयुक्त विद्यमाने आयोजित “आपली फलटण मॅरेथॉन 2025” स्पर्धेला रविवारी (दि. 12 ऑक्टोबर) भव्य उत्साहात सुरुवात झाली. राज्याचे ग्रामविकास व पंचायतराज मंत्री जयकुमार गोरे (भाऊ) यांनी सजाई गार्डन, फलटण येथे उपस्थित राहून मॅरेथॉनचा शुभारंभ केला आणि सर्व स्पर्धकांना मन:पूर्वक शुभेच्छा दिल्या.

या मॅरेथॉनमध्ये २१ किमी, १० किमी, ५ किमी आणि ३ किमी अशा चार टप्यांमध्ये स्पर्धा पार पडली, ज्याला फलटणकर नागरिकांचा मोठा प्रतिसाद लाभला. सर्व वयोगटातील नागरिकांनी सक्रिय सहभाग नोंदवून आरोग्य व सामाजिक बांधिलकीचे उत्तम उदाहरण घडवले.

स्पर्धेच्या यशस्वी आयोजनासाठी डॉ. प्रसाद जोशी, डॉ. शरद धायगुडे, डॉ. सुनीता निंबाळकर, डॉ. वल्लभ कुलकर्णी, डॉ. योगेश बागल, अझरुद्दीन मुजावर, सुरेश कुलकर्णी (जोशी हॉस्पिटल प्रा. लि., फलटण) आणि त्यांच्या संपूर्ण टीमचे विशेष अभिनंदन करण्यात आले.

कार्यक्रमाच्या वेळी आमदार सचिन पाटील यांच्यासह अनेक मान्यवर, सामाजिक कार्यकर्ते, डॉक्टर आणि उत्साही फलटणकर मोठ्या संख्येने उपस्थित होते.

ही मॅरेथॉन आरोग्य जनजागृतीसह फलटण शहराच्या सामाजिक एकोपा आणि उत्साही वृत्तीचे प्रतीक ठरली.