मराठी कलाकार आता केवळ मराठी मनोरंजन विश्वच नाही तर, बॉलिवूडमध्येही आपल्या अभिनयाची जादू दाखवत आपला दबदबा निर्माण करत आहेत. सिद्धार्थ जाधव, सई ताम्हणकर, नेहा पेंडसे, वनिता खरात यांच्यानंतर आता अभिनेत्री तृप्ती खामकर हिने देखील बॉलिवूड चित्रपटात एन्ट्री घेतली आहे. अभिनेत्री तृप्ती खामकर नुकत्याच प्रदर्शित झालेल्या करिना कपूर-खान, तब्बू आई क्रिती सेनन अभिनित ‘क्रू’ या चित्रपटात झळकली आहे. या चित्रपटातील तिच्या भूमिकेचे खूप कौतुकही झाले. मात्र, नुकत्याच दिलेल्या एका मुलाखतीत तिने या चित्रपटाच्या मेकर्सवर मोठे आरोप केले आहेत.
