आज विधीमंडळ अधिवेशनात नाशिक मधील खड्ड्यांचा मुद्दा चांगलाच गाजला. यावर आमदारांनी जोरदार चर्चा केली, मात्र याच दरम्यान नाशिक जिल्ह्यातील इगतपुरी येथून एक हृदयद्रावक घटना समोर आली आहे. रस्त्याअभावी गरोदर मातेला वेळेत उपचार न मिळाल्याने मृत्यू झाल्याची धक्कादायक घटना घडली आहे. रस्ता नसल्याने महिलेल्या झोळीतून साडे तीन किलोमीटर पायपीट करण्यात आली. मात्र रुग्णालयात पोहोण्यास उशीर झाल्यानं वाटेतच महिलेचा मृत्यू झाला. या घटनेमुळे नागरिकांमधून संताप व्यक्त केला जात आहे.
