विद्यार्थ्यांना शिकवताना व त्यांना एखादं उदाहरण देताना किती काळजीपूर्वक दिलं पाहिजे, याचे प्रत्यंतर देणारी घटना समोर आली आहे. एखादं चुकीचं उदाहरण सबंधित शिक्षकाला किती महागात पडू शकतं याचाच प्रत्यय पुण्यात आला आहे. हिंदू देवतांविषयी वादग्रस्त वक्तव्य करणं एका प्राध्यापकाला चांगलच भोवलं आहे. देव-देवतांविषयी आक्षेपार्ह विधान करणाऱ्या प्राध्यापकाला अखेर कॉलेजमधून निलंबित कऱण्यात आलं आहे. अशोक ढोले असं या प्राध्यापकाचं नाव आहे. पुण्यातील सिम्बायोसिस महाविद्यालयात हा प्रकार घडला आहे.
