समाजाबद्दल चुकीच्या गोष्टी पसरवल्या जात असतील तर विरोध करायलाच हवा, असं सांगताना त्यांनी अजित पवारांच्या राष्ट्रवादी काँग्रेसचे आमदार अमोल मिटकरी यांचं उदाहरण दिलं. निवडणुकीच्या काळात एका सभेसाठी मला आमंत्रण देण्यात आलं होतं. मात्र त्या कार्यक्रमात अमोल मिटकरी येणार होते. त्यामुळं मी तिथं जाण्यास नकार दिला. आमच्या पुरोहितांची, आपल्या मंत्रांची चेष्टा करणाऱ्या माणसासोबत मी स्टेजवर जाणार नाही असं मी आयोजकांना ठामपणे सांगितलं. पण माझं तिथं जाणं त्यांच्यासाठी महत्त्वाचं होतं. त्यामुळं त्यांनी मिटकरी यांना नंतर यायला सांगितलं. शेवटी मिटकरी त्या कार्यक्रमाला गेलेच नाहीत, अशी आठवण कुलकर्णी यांनी सांगितली. आपण मर्यादा सोडून बोलतोय हे कुठंतरी त्यांनाही कळलं पाहिजे. कुठंतरी चाप लागला पाहिजे, अन्यथा बदल होणार नाही, असंही त्या म्हणाल्या.
