99th Akhil Bhartiya Marathi Sahitya Sammelan: साताऱ्यात 99व्या अखिल भारतीय मराठी साहित्य संमेलनाची (99th Akhil Bhartiya Marathi Sahitya Sammelan) मोठ्या दिमाखात सुरुवात झाली. माजी संमेलनाध्यक्ष डॉ. तारा भवाळकर यांच्या हस्ते ग्रंथप्रदर्शनाच्या उद्घाटनानं आणि ध्वजवंदनानं शुक्रवारी 99 व्या अखिल भारतीय मराठी साहित्य संमेलनाचं बिगुल वाजलं. शुक्रवारी सायंकाळी शहरातून मोठ्या उत्साहात निघालेल्या ग्रंथदिंडीनं वाचन संस्कृतीच्या जागराला दिमाखदार सुरुवात झाली. पण, साहित्य संमेलनाच्या दुसऱ्या दिवशीच या साहित्यिकांच्या मेळ्याला गालबोट लागलं आहे. मराठी साहित्य महामंडळाचे कार्याध्यक्ष विनोद कुलकर्णींवर अज्ञातांनी काळा बुक्का टाकून हल्ला करण्याचा प्रयत्न केला. त्यामुळे मोठा गोंधळ झालाय.
मराठी साहित्य महामंडळाचे कार्याध्यक्ष विनोद कुलकर्णींवर हल्ल्याचा प्रयत्न करण्यात आला. साहित्य संमेलनाच्या स्थळीच हा हल्ल्याचा प्रयत्न झालाय. काही जणांनी काळा बुक्का टाकत मराठी साहित्य महामंडळाचे कार्याध्यक्ष विनोद कुलकर्णींवर हल्ला करण्याचा प्रयत्न केलाय. तसेच, अनेकांनी हल्लेखोरांच्या हातात कोयता असल्याचंही सांगितलं आहे. दरम्यान, अद्याप हल्लेखोरांबाबत कोणतीही माहिती मिळालेली नाही.
काळे कपडे घालते म्हणून लेखकाची अडवणूक
साहित्य संमेलनाला उपस्थित राहण्यासाठी साताऱ्याला आलेल्या एका युवकानं काळे कपडे घातले, म्हणून त्याला साहित्य संमेलनाच्या उद्घाटन समारंभाला जाऊ दिलं नाही. केवळ काळे कपडे घातले म्हणून युवा साहित्य अकादमी पुरस्कारप्राप्त विजेता लेखक प्रदीप कोकरे यांना साहित्य संमेलनाच्या उद्घाटनासाठी आत जाऊ दिलं नाही.
आणखी वाचा
