डॉ. अजित रानडे यांना कुलगुरूंच्या पदावरून हटवण्याचा निर्णय झाला आहे. त्याविरोधात त्यांनी उच्च न्यायालयात याचिका दाखल केली आहे. न्यायमूर्ती महेश सोनाक आणि न्यायमूर्ती कमल खाता यांच्या खंडपीठासमोर या याचिके सुनावणी झाली. आपल्या याचिकेवर तातडीने नियमित सुनावणी घ्यावी, अशी मागणी डॉ. रानडे यांच्यावतीने न्यायालयाला करण्यात आली. मात्र,नियमित खंडपीठ २२ सप्टेंबरपर्यंत उपलब्ध नसल्याने न्यायालयाने त्यास नकार दिला. कुलपतींनी रानडे यांच्या विनंतीवरून त्यांना पदमुक्त होण्यास शनिवार,२१ सप्टेंबरपर्यंत मुदतवाढ दिली आहे. त्यामुळे, डॉ. रानडे यांना त्यांची बाजू मांडण्याची संधी मिळावी यासाठी त्यांच्या याचिकेवरील सुनावणी होईपर्यंत पदमुक्त करण्याच्या निर्णयाची अंमलबजावणी केली जाऊ नये,असे न्यायालयाने आपल्या तीन पानी आदेशात स्पष्ट केले. डॉ. रानडे यांच्या याचिकेवरील सुनावणी २३सप्टेंबर रोजी होणार आहे.
