Lok Sabha Election 2024: मनसेच्या पाडव्या मेळाव्यात राज ठाकरे यांनी भाजपा, शिवसेना आणि राष्ट्रवादी काँग्रेस पक्षाला बिनशर्त पाठिंबा दर्शवत लोकसभा निवडणूक नसल्याचे जाहीर केले. राज ठाकरेंच्या भूमिकेवरून त्यांच्यावर प्रचंड टीका होऊ लागली. राज ठाकरे हे भाजपच्या दबावाखाली झुकले, असा प्रचार महाविकास आघाडीतील नेते करीत आहेत. याच पार्श्वभूमीवर शिवसेना उद्धव बाळासाहेब ठाकरे पक्षाच्या नेत्या किशोरी पेडणेकर यांनी राज ठाकरेंवर सडकून टिका केली. राज ठाकरे शक्तीहीन झालेला वाघ आहे. लोकांना दात निघालेला, नखं काढलेला आणि नुसता तोंडाने हवा मारणारा वाघ नकोय, असे किशोरी पेडणेकर यांनी प्रसार माध्यमांशी बोलताना म्हटले आहे.
