लवकरच येणार चित्रपटातून भेटीला!
सुरभीच्या या वक्तव्यामुळे आता ती लवकरच राजकारणाच्या क्षेत्रात देखील दिसू शकते, असं सगळेच म्हणताना दिसतात. मात्र, आपण राजकारणात तर येणार नाही, समाजकारणासाठी नक्कीच काहीतरी करू, असं म्हणत तिने चर्चांना पूर्णविराम देण्याचा प्रयत्न नक्कीच केला आहे. सुरभी हांडे हिने आतापर्यंत अनेक मालिकांमध्ये महत्त्वपूर्ण भूमिका साकारल्या आहेत. मात्र, छोट्या पडद्यावरील जय मल्हार या मालिकेतील ‘म्हाळसादेवी’ या पात्रामुळे सुरभीला विशेष ओळख मिळाली. यानंतर आता सुरभी चित्रपटांमध्ये देखील झळकणार आहे. तिचा ‘संघर्षयोद्धा’ हा चित्रपट २६ एप्रिल रोजी प्रदर्शित होत आहे. या चित्रपटात तिच्यासोबत अभिनेता रोहन पाटील, सागर कारंडे, संदीप पथक आणि मोहन जोशी महत्त्वपूर्ण भूमिकेत दिसणार आहेत.
