साधं राहणीमान, सामान्य लोकांची मदत आणि प्रत्येकाविषयी आपुलकी अशी नाना पाटेकर यांची ओळख आहे. आपल्या बिनधास्त आणि बेधडक वक्तव्यांमुळे देखील नाना पाटेकर नेहमीच चर्चेत असतात. जे आहे ते अगदी स्पष्ट शब्दांत, कुणाचीही भीती न बाळगता व्यक्त करणं हा नाना पाटेकर यांचा स्वभाव आहे. नुकतीच नाना पाटेकर यांनी ‘लल्लन टॉप’च्या युट्युब वाहिनीला दिलेली मुलाखत चर्चेत आली आहे. यात त्यांनी अनेक खुलासे केले आहेत. यावेळी त्यांनी आपल्या व्यसनाबद्दलही सांगितले. धूम्रपानाच्या व्यसनाबद्दल सांगताना नाना पाटेकर म्हणाले की, ‘मला सिगरेट ओढण्याचे भयंकर व्यसन होते. अगदी अंघोळीला गेली तरी मी सिगरेट ओढायचो.’
