अक्षयने नुकताच एक भन्नाट अनुभव सांगितला आहे. मालिकेत काम करत असताना त्याला अनेक चाहते भेटत असतात. नुकतेच त्याला एक काका भेटले होते. त्यांनी अक्षयला विचारलं की, ‘येवढा चांगला राहतोस, इस्त्रीचे शर्ट पॅन्ट घालतो, भांग पाडून केस व्यवस्थित ठेवतो. पण, अक्षरा सोबत असा का वागतोस?’ चाहत्याचा हा प्रश्न ऐकून अक्षय आधी गोंधळून गेला होता. मात्र, नंतर त्याला हसू आले आणि काकांना समजावत सांगितले की, माझी भूमिकाच तशी आहे, त्याला मी काही करू शकत नाही. पण यावरून त्याला आपली भूमिका चाहत्यांना आवडत असल्याची पोचपावती मिळाली आहे.
