सध्या मराठी मालिका विश्वामधील सर्वात लोकप्रिय आणि टीआरपी यादीमध्ये पहिले स्थान पटकावणारी मालिका म्हणजे ‘ठरलं तर मग.’ या मालिकेत अभिनेत्री जुई गडकरी महत्त्वाच्या भूमिकेत दिसत असून तिने जवळपास ५ वर्षांनंतर छोट्या पडद्यावर पदार्पण केले आहे. मालिकेतील जुईची सायली ही भूमिका प्रेक्षकांच्या विशेष पसंतीला उतरताना दिसत आहे. ज्या प्रमाणे सायली विषयी चर्चा रंगलेली असते त्याच प्रमाणे जुईच्या खासगी विषयावर देखील अनेक चर्चा सुरु असतात. सध्या जुई तिच्या एका पोस्टमुळे चर्चेत आहे.
