संबंधित शाळा ही मावळ तालुक्यातील नावाजलेली शाळा असल्याने या शाळेत अनेक पालक त्यांच्या मुलांना शाळेत घालण्यासाठी प्रयत्न करत असतात. जून महिन्यात शाळा सुरू झाल्यानंतर जुलैच्या पहिल्या आठवड्यात शाळेतील मुलींच्या स्वच्छतागृहात सीसीटीव्ही कॅमेरे बसवण्यात आले होते. ही बाब शाळेतील मुलींनी पालकांना सांगितली. याबाबत पालकांनी शाळा प्रशासनाला विचारले असता त्यांनी मुख्याध्यापकांच्या सुचनेनुसार कॅमेरे बसविल्याचे सांगितले. हा संतापजनक प्रकार समोर आल्यानंतर एकच खळबळ उडाली आहे. या घटनेची सखोल चौकशी करून दोषींवर कारवाई करावी, अशी मागणी पालकांकडून करण्यात आली आहे.
