PM Modi wishes Donald Trump : अमेरिकेचे नवनिर्वाचित राष्ट्राध्यक्ष डोनाल्ड ट्रम्प यांच्यासाठी पंतप्रधान नरेंद्र मोदी यांचे पत्र घेऊन परराष्ट्रमंत्री एस. जयशंकर अमेरिकेला पोहोचले आहेत. ट्रम्प यांच्या शपथविधी प्रसंगी त्यांनी मोदी यांचे पत्र ट्रम्प यांना दिले आहे. तसेच मोदी यांनी एक्सवरपोस्ट करत ट्रम्प यांना ‘माय डियर फ्रेंड’ संबोधत शुभेच्छा दिल्या आहेत. जयशंकर सोमवारी पंतप्रधान नरेंद्र मोदी यांचे विशेष दूत म्हणून ट्रम्प यांच्या शपथविधी सोहळ्याला उपस्थित होते. ट्रम्प यांनी अमेरिकेचे ४७ वे राष्ट्राध्यक्ष म्हणून शपथ घेतली.
