मध्य प्रदेशातील रीवामध्ये एका नवविवाहित महिलेने आपल्या पतीचा रस्ते अपघातात मृत्यू झाल्यानंतर केलेली विचित्र मागणी ऐकून डॉक्टरही आश्चर्यचकित झाले. मुलाला जन्म देण्याची इच्छा व्यक्त करत महिलेने आपल्या मृत पतीच्या शुक्राणूंची (स्पर्म) मागणी केली. यासाठी महिलेने डॉक्टरांना मृतदेहाचे पोस्टमार्टम करण्यापासून रोखले. मात्र, डॉक्टर तिची मागणी पूर्ण करू शकले नाहीत. पतीचा मृत्यू होऊन २४ तास उलटून गेल्याने तसेच रुग्णालयात स्पर्म जतन करून ठेवण्याची सुविधा नसल्याचे डॉक्टरांनी सांगितले. यानंतर डॉक्टर व नातेवाईकांनी महिलेची कशीबशी समजूत काढून तिला शांत केले व त्यानंतर मृतदेहाचे पोस्टमार्टम करून मृतदेह नातेवाईकांच्या ताब्यात देण्यात आले.ले.
