आज लोकसभा निवडणुकीचा शेवटचा टप्पा पार पडत आहे. मुंबईतील अनेक ठिकाणी सामान्य नागरिकांपासून ते कलाकारांपर्यंत जवळपास सर्वजण मतदान करण्यासाठी बाहेर पडले आहेत. अनेकांनी सोशल मीडियावर मतदान केल्यानंतर बोटाला लावलेल्या शाईचे फोटो शेअर केले आहेत. दरम्यान, एका मराठमोळ्या अभिनेत्रीने सोशल मीडियाच्या माध्यमातून महत्त्वाची माहिती दिली आहे. तिने जर मतदार यादीतून तुमचे नाव डिलिट झाले असेल तर त्यावर काय उपाय करावा हे सांगितले आहे.
