नवीन आर्थिक वर्षात बदलले नियम; गॅस सिलेंडरचे दर स्वस्त, तर समृद्धी महामार्गावरील प्रवास महागला

LPG Cylinder Price: आजपासून नवं आर्थिक वर्ष सुरू होतंय. या नव्या आर्थिक वर्षासोबत काही नवे बदलही होणार आहेत. हे बदल आपले बँक खातं, टॅक्स, पॅन आधार लिंकिंग, केवायसी यांच्याशी निगडीत आहेत. त्याचबरोबर आज तेल कंपन्यांनी मोठा दिलासा दिला आहे. आज व्यावसायिक गॅस सिलेंडरच्या दरात कपात झाली आहे. 19 किलो व्यावसायिक गॅस सिलेंडरच्या दरात 41 रुपयांनी स्वस्त झाला आहे. 

1 एप्रिलपासून सिलेंडरच्या दरात घट झाल्याने आता दिल्लीत 19 किलो सिलेंडर 1762 रुपयांना मिळणार आहे. तर, कोलकत्तामध्ये 1868.50 रुपये आणि मुंबईत 1713.50 रुपये मोजावे लागणार आहेत. यापूर्वी दिल्लीत 19 किलो सिलेंडरचे दर 1803 रुपये होते. 

या आधी मार्च महिन्यात तेल कंपन्यांनी गॅस सिलेंडरच्या किंमतीत 6 रुपयांची वाढ झाली होती. घरगुती गॅस सिलेंडरच्या किंमतीत या महिन्यात कोणताही बदल झालेला नाही. व्यावसायिक गॅस सिलेंडरच्या किंमती कमी झाल्याचे देशातील चार महानगरात पाहायला मिळतेय. दिल्लीत सिलेंडरच्या किंमत 1803 रुपयांनी कमी होऊन 1762 रुपये झाले आहेत. मुंबईत किंमत 1755.50 रुपयांवरून 1713.50 रुपयांवर घसरली. त्याचप्रमाणे, चेन्नईमध्ये आजपासून 1965 रुपयांऐवजी 1921 रुपये द्यावे लागतील. कोलकातामध्ये आता सिलिंडर 1913 रुपयांऐवजी 1868.50 रुपयांना उपलब्ध होईल.

तेल कंपन्यांनी घरगुती एलपीजी सिलिंडरच्या किमतीत कोणताही बदल केलेला नाही. हे सिलिंडर दिल्लीत पूर्वीप्रमाणेच 803 रुपयांच्या दराने उपलब्ध राहील. याशिवाय, 14.2 किलोग्रॅमच्या घरगुती एलपीजी सिलिंडरची किंमत कोलकातामध्ये 829 रुपये, मुंबईत 802.25 रुपये आणि चेन्नईमध्ये 818.50 रुपये आहे. तेल कंपन्यांनी विमान इंधनाच्या किमतीतही बदल केले आहेत. दिल्लीत त्याचा नवीन दर प्रति किलो लिटर $794 असेल.

व्यावसायिक गॅस सिलिंडरच्या किमतीत सर्वात मोठी वाढ एप्रिल 2022 मध्ये झाली होती. 1 एप्रिल 2022 रोजी सिलिंडरची किंमत 249.50 रुपयांवरून 268.50 रुपयांवर पोहोचली होती. यासह, त्यावेळची किंमत प्रति सिलिंडर 2406 रुपयांवर पोहोचली. 1 एप्रिल 2021 रोजीही सिलिंडरची किंमत 27 रुपयांवरून 41 रुपयांपर्यंत वाढली होती. मार्चच्या तुलनेत ही किंमत 1771.50 रुपयांवर पोहोचली.

आयकरात मोठी सवलत

अर्थमंत्री निर्मला सीतारामन यांनी 1 फेब्रुवारी रोजी 2025-26 या आर्थिक वर्षाचा केंद्रीय अर्थसंकल्प सादर केला. यावेळी त्यांनी मध्यमवर्गीयांसाठी आयकरात मोठी सवलत तसेच अनेक बदलांची घोषणा केली होती…ती आजपासून  लागू होणाराय

समृद्धी महामार्गावरील प्रवास महागला

समृद्धी महामार्गावरील प्रवास आजापासून महागला आहे. MSRDCने टोलच्या दरात 19 टक्क्यांची वाढ करण्याचा निर्णय घेतलाय. आता छोट्या चारचाकी वाहनानांना नागपूर-इगतपुरी प्रवासासाठी 1080 ऐवजी 1290 रुपये मोजावे लागतील. दुसरीकडे राज्यातील सर्वच महामार्गावर टोलसाठी फास्टॅग प्रणाली सक्तीची करण्यात आलीय..