ते म्हणाले, मॉल बंद करण्याची नोटीस बजावण्यात आली होती; त्यांच्याकडे काही कराची थकबाकीही होती, आम्ही त्यांच्याकडून लेखी स्पष्टीकरण घेतले आहे आणि त्यांनी या घटनेबाबत माफीही मागितली आहे. मॉलने कराची थकबाकी भरण्यासाठी धनादेशही दिला आहे. राज्यात कुठेही अशा घटनांची पुनरावृत्ती होऊ नये, यासाठी आम्ही मार्गदर्शक तत्त्वे जारी करणार आहोत. ‘मॉलकडे दोन कोटी रुपयांची कर थकबाकी होती; त्यांनी मध्यंतरी पैसे भरले होते; काही रक्कम भरणे बाकी होते, त्यासाठी ३१ जुलै ही शेवटची तारीख आहे; आम्ही त्यांच्याकडून धनादेश घेतला आहे आणि आम्ही त्यांना (ऑपरेट करण्याची) परवानगी देत आहोत, असे शिवकुमार म्हणाले.
