सातारा; पुढारी वृत्तसेवा : खा. श्री. छ. उदयनराजे भोसले यांनी मुंबईत शालेय शिक्षणमंत्री ना. दीपक केसरकर, उच्च व तंत्रशिक्षण मंत्री ना. चंद्रकांत पाटील, भाजप प्रदेशाध्यक्ष चंद्रशेखर बावनकुळे यांची भेट घेऊन सातारा शहर व जिल्ह्यातील विकासकामांवर चर्चा केली. यावेळी खा. उदयनराजे यांनी मान्यवरांना तलवार भेट दिली.
सातारा शहर व जिल्ह्यात खा. श्री. छ. उदयनराजे भोसले यांच्या प्रयत्नांतून अनेक महत्त्वाकांक्षी प्रकल्प सुरू आहेत. गेल्या पाच वर्षांत शहरात विकासकामांच्या अनेक योजना खा. उदयनराजे भोसले यांनी नगरपालिकेच्या माध्यमातून राबवल्या. नवीन विकासकामांचे प्रस्ताव तसेच सुरू असलेल्या महत्त्वपूर्ण प्रकल्पांना निधी मिळावा, यासाठी गेल्याच आठवड्यात खा. उदयनराजे भोसले यांनी राज्याचे उपमुख्यमंत्री ना. देवेंद्र फडणीस यांची भेट घेतली हेाती. शहर व जिल्ह्यातील विविध विकासकामांच्या बाबतीत तसेच प्रलंबित प्रकल्पांच्या अनुषंगाने त्यांनी ना. फडणवीस यांच्याशी सविस्तर चर्चा केली होती. उपमुख्यमंत्री ना. अजित पवार यांनाही शुभेच्छा देत खा. उदयनराजे यांनी महसूलमंत्री ना. राधाकृष्ण विखे पाटील यांच्याशीही चर्चा केली होती. खा. उदयनराजे भोसले यांनी मंगळवारी मुंबईत राज्याचे शालेय शिक्षण मंत्री ना. दीपक केसरकर, चंद्रशेखर बावनकुळे तसेच उच्च व तंत्रशिक्षण मंत्री ना. चंद्रकांत पाटील यांची भेट घेतली. ना. चंद्रकांत पाटील यांना तलवार भेट देण्यात आली. यावेळी राज्यसभेचे खा. धनंजय महाडिक हेही उपस्थित होते. मंत्री केसरकर व मंत्री पाटील यांच्यासोबत खा. उदयनराजे यांनी सातारा शहर व जिल्ह्यातील विविध विकासकामांबाबत चर्चा केली. यावेळी जिल्हा परिषदेचे माजी शिक्षण सभापती सुनील काटकर, काका धुमाळ, पंकज चव्हाण, अतुल हिवाळे, सौरभ सुपेकर उपस्थित होते.
The post खा. उदयनराजेंकडून मंत्र्यांच्या गाठीभेटी; appeared first on पुढारी.
