MoE Guidelines Coaching Centres : केंद्र सरकारने गुरुवारी मोठा निर्णय घेत कोचिंग सेंटरच्या मनमानीवर लगाम लावला आहे. सरकारने खासगी शिक्षण संस्थांसाठी नव्या गाइडलाइन्स जारी करत आदेश दिला आहे की, १६ वर्षाहून कमी वयाची विद्यार्थी कोचिंगला जाऊ शकणार नाहीत. सरकारने म्हटले आहे की, या आदेशाचे उल्लंघन केल्यास एक लाखाचा दंड आकारला जाईल. त्याचबरोबर कोचिंग सेंटरची नोंदणी रद्द केली जाईल. कोचिंग सेंटरमध्ये शिक्षण घेणाऱ्या विद्यार्थ्यांच्या आत्महत्या घटना समोर आल्यानंतर सरकारने हा निर्णय घेतला आहे.
