Uddhav Thackeray Latest News in Marathi : भारतीय राज्यघटनेचे शिल्पकार डॉ. बाबासाहेब आंबेडकर यांच्याबद्दल केंद्रीय गृहमंत्री अमित शहा यांनी संसदेत केलेल्या आक्षेपार्ह विधानावरून सध्या गदारोळ सुरू आहे. शिवसेना (उबाठा) पक्षप्रमुख उद्धव ठाकरे यांनी या मुद्द्यावर पत्रकार परिषद घेत आरएसएस व भाजपवर जोरदार हल्ला चढवला. ‘अदानीचं नाव घेतलं की विरोधकांवर कोसळणारे भाजपवाले डॉ. आंबेडकरांच्या अपमानावर गप्प का? भाजप अमित शहांवर काय कारवाई करणार,’ असा सवाल उद्धव यांनी केला.
